Dura taa’oonni koree dhaabbii Mana Maree Naannoo Somaalee fi Hoggantoonni Hojii Dura Taa’oota Koree Dhaabbii Mana Maree Naannoo Hararii fi Hoggantoota Hojii waliin muuxannoo wal jijjiirraniiru.
Afyaa’iin Yaa’ii Naannoo Hararii Sulxaan Abdus Salam yeroo sana ergaa dabarsan keessatti, ummata bakka bu’an tajaajiluun itti quufinsa ummataa mirkaneessuuf gaheen yaa’ii naannolee yeroo adda addaatti qaban barbaachisaa ta’uu ibsaniiru.
Afyaa’iin Mana Maree Naannoo Hararii Obbo Hariifii Mohaammad caasaa fi hojimaata Mana Maree Naannoo Hararii ibsaniiru.
Manneen maree aangoo heerri mootummaa kennutti fayyadamuun amanamummaadhaan ummata tajaajiluuf waliin hojjechuu akka qabanis eeraniiru.
Muuxannoo waljijjiiruun kun naannolee lameeniif iddoo guddaa akka qabuu fi keessumattuu manneen maree naannolee ollaa tokkummaa biyyaa cimsuun fayyadamummaa ummataa mirkaneessuuf waltajjii waloo qopheessuu akka qaban ibsaniiru.
Koreewwan Dhaabbii Mana Maree Naannoo Somaalee gaaffilee adda addaa kan dhiyeessan yoo ta’u, Koreewwan Dhaabbii Mana Maree Haririi deebii kennanii gaaffilee ka’aniif ibsa kennaniiru.
Hoggantoonni Mana Maree Naannoo Somaalee turtii isaanii Harargee keessatti hojiiwwan misoomaa magaalattii keessatti hojjetaman dabalatee hambaa addunyaa ta’e masaraa Jegool daawwataniiru.
Miseensonni Koree Dhaabbii Mana Maree Naannoo Somaalee gaaffilee akka mana maree naannootti fidaniif deebii sirrii fi muuxannoo argachuu isaanii ibsaniiru.
Waljijjiirraa muuxannoo kanarratti Af-yaa’ii Yaa’ii Hararii Atoo Muhedin Ahmad dabalatee hoggantoonni olaanoo manneen maree lamaan hirmaataniiru.
.
Mana Maree Naannoo Hararii
Daarektoreetii Hariiroo Hawaasaa fi Komunikeeshinii
➥ Feesbuukii: https://www.facebook.com/harricouncil/ Afaan Oromoo fi Jechoota Dinqisiiso Afaan Oromoo.
➥ Telegiraamii:▸ https://t.me/hararicouncil_info
➥ YouTube: https://www.youtube.com/chaanaalii/
➥ Twitter: https://twitter.com/mana maree hararikoo
➥ Flickr: https://www.flickr.com/suuraalee/mana maree naannoo uummata hararii/
➥ Marsariitii: http://www.harricouncil.gov.et/ .
Nu waliin ta’uu keessaniitti gammadneerra.
